Ururka isboortiga ee Alsalaam

Ururka isboortiga ee alsalaam waa urur ay ku badan yihiin dhalinyarada muslimiinta ah.

Ururku waxaa uu leeyahay qaybo kala duwan oo xagga ciyaaraha ah. Waxaa ugu weyn qaybta kubada cagta. Qaybtaasi waxaa ay ka kooban tahay dhalinyarada waaweyn oo koox ah. Waa kooxda lagu magacaabo ALSALAAM. Waxaa kaloo jira saddex kooxood oo caruurta yar-yar ah. Waa caruurta dhalatay 1996, 1997 iyo 1999. Caruurtaasi waxaa ay tababar qaataan usbuuciiba laba jeer. Waxaana ay ka qayb galaan ciyaaro kala duwan.  Caruurta waxaa kaloo laga dhisaa arimaha bulshada oo ay ka mid yihiin sida loo xaliyo muranka badanaaba ka dhex dhasha caruurta, in la is xushmeeyo aana la isku xadgudbin.

Ururka Alsalaam waa urur ay reerka oo dhami kaalin ka heli karaan. Aabaha reerku waxaa uu la  tababaran karaa kooxda Alsalaam xitaa haddii aadan dooneynin inaad ciyaaraha rasmiga ah ka qayb qaadatid. Hooyada reerku waxaa ay la tababaran kartaa gabdhaha muslimiinta ah. Kuwaas oo keligood tababarta( aerobics). Caruurta reerka oo dhan Alsalaam boos ayuu u hayaa. Waxaa ay ka qayb qaadan karaan kubada cagta, kolayga ama dabaal ayey baran karaan.

Xarunta kulanka ee Alsalaam

Ururka isboortiga ee Alsalaam waa mid aad iyo aad u fidaaya. Waxaa uu hadda ururku ku guuleystey inuu helo xarun aad u weyn oo ku taala agagaarka xaafada Fröslunda. Xaruntaas waxaa loo siticmaali doonaa waxyaalo kala duwan oo ay ka faaìideystaan dhalinyarada muslimiinta ah.  Labada sano ee soo socda waxaa ay xaruntu xooga saari doontaa arimaha soo socda.

Dhalinyarada

Xarunta Alsalaam waxaa ay bilaabi doontaa howlo kala duwan oo ku wajahan dhalinyarada iyo caruurta.

Tusaale ahaan waxaa xaruntu noqon doontaa meel ay ku kulmaan dhalinyarada iyocaruurta muslimiinta ah, halkaas oo ay ka heli doonaan waxyaalo kala duwan oo lagu ciyaaro sida bilyaardi, kubada miiska iwm.

Kulan waalideed

Xarunta Alsalaam waxaa ku kulmi doona waalidiinta dhalinyarada iyo caruurta muslimiinta ah ee ka tirsan kooxda alsalaam. Waalidiintu waxaa ay halkaas isku dhaafsan karaan fikrado iyo warbixino kala duwan. Waxaa kaloo ay waalidiintu heli karaan talooyin ku saabsan waxyaalaha kobcin kara tacliinta dhalaanka yar yar.

Kulamo kale oo muhiim ah

Xarunta Alsalaam waxaa ay qaban qaabin doontaa kulamo ka dhexeeya dadka muslimiinta ah iyo bulshada kale ee aan la noolahay. Kulamada noocaas ahi waxaa ay noqon karaan kuwo la isku barto, fikrado kala duwana la isku dhaafsado. Waxaa mararka qaarkood xarunta lagu casumaa dad wakiil ka ah shirkadaha kala duwan ee gobolka si ay usoo bandhigaan qaabka ay dadka u shaqaaleeyaan iwm.

Haddaba ha moogaan howlaha kala duwan ee ururka Alsalaam

Waxii faahfaahin ah kala xiriir:

Tfn: 070-319 57 33 , ama C/risaq, 076-2639949

Fax: 016-42 03 49

info@alsalaam.se